-->

பாப்கார்ன் (popcorn) பதிவுகள்-பாகம்-1

Tuesday, February 14, 2012


இணையத்தில் நுனிப்புல் மேய்வர்கள் பெரிய கட்டுரைகளைப் படிக்க அதிகம் கஷ்டப்படுகிறார்கள், அல்லது தவிர்த்துவிடுகிறார்கள், அப்படிப்பட்டவர்களை மனதில்வைத்து ஆரம்பிக்கப்படுகிறது பாப்கார்ன் பதிவுகள், தேவ நாமம் மகிமைப்படட்டும்... ஆமென்,

//////////////////////////////////////////////////////////////////////////////////////////////////////////////////////////////////////////////////////////////////

நார்னியா என்ற சொல்லுக்கு கிரேக்கத்தில் ஆட்டுக்கடா என்று அர்த்தம், பைபிளில் வெளிப்படுத்தல் 5:6 ல் இயேசுக்கிறிஸ்துவை யோவான் நார்னியா என்று குறிப்பிடுகிறார்.

//////////////////////////////////////////////////////////////////////////////////////////////////////////////////////////////////////////////////////////////////

நிம்ரோத் என்பது சிரியா மக்களின் புயல்கடவுள், மற்றும் அழிக்கும் கடவுள் ஆகும், கிறிஸ்துவை நம்பாத சிரியர்களின் கடவுளான நிம்ரோத் ஒரு வேட்டைக்காரன் என்று பைபிள் குறிப்பிடுகிறது (ஆதியாகமம் 10:8,9,)

//////////////////////////////////////////////////////////////////////////////////////////////////////////////////////////////////////////////////////////////////

நிக்கோலாய் என்ற கிரேக்கச் சொல்லுக்கு எபிரேய மொழியில் பிலேயாம் என்று அர்த்தம், ஆகவேதான் பிலேயாம் என்று பழைய ஏற்பாட்டிலும், நிக்கோலாய் என்று புதிய ஏற்பாட்டிலும் குறிப்பிடப்படுகிறது, பிலேயாம் என்றால் பணத்திற்கு வேலையாள் என்று பொருள்

//////////////////////////////////////////////////////////////////////////////////////////////////////////////////////////////////////////////////////////////////

பைபிளை படியெடுத்து எழுதப் பயன்படுத்தப்பட்ட நாணல் குச்சிகளுக்கு கேனான்(Canon)‍ என்று பெயர் கேனான் என்றால் நானற்குச்சி என்று பொருள், இதைப் பின்பற்றியே நம்மைப் படியெடுக்கும் புகைப்படக்கருவிகள் தயாரிக்கும் நிறுவனத்திற்கு கேனான் என்று பெயர்வைத்திருக்கிறார்கள்.

//////////////////////////////////////////////////////////////////////////////////////////////////////////////////////////////////////////////////////////////////

தமிழ் பைபிளில் தீர்க்கதரிசிகள் என்று மொழியாக்கம் செய்யப்பட்டுள்ள வார்த்தை ஒரு தவறான மொழிபெயர்ப்பாகும், பைபிளின் மூலமொழியில், கடவுளின் வாயானவன் என்ற பொருள்படக்கூடிய வார்த்தையிலேயே தீர்க்கர்கள் அழைக்கப்பட்டார்கள், ஆகவே தீர்க்கதரிசிகளை "இறைவாக்கினன்" என்று தமிழில் குறிப்பிடுவதே சரியானதாகும்.

//////////////////////////////////////////////////////////////////////////////////////////////////////////////////////////////////////////////////////////////////

கடற்பிரயானத்தில் புயலில் சிக்கி அலைக்கழிக்கப்பட்டு பவுல் கரையேறின தீவு மெலித்தா என்பதாகும், இத்தீவு மத்திய தரைக்கடல் பகுதியில் அமைத்திருக்கிறது, இது ஒரு ஐரோப்பிய நாடு ஆகும், இந்த தீவின் தற்போதைய பெயர் மால்டா ரிப்பப்ளிக் என்பதாகும்,

//////////////////////////////////////////////////////////////////////////////////////////////////////////////////////////////////////////////////////////////////

எருசலேம் நகரத்தை ஆண்ட முதல் மன்னர் யாரென்று தெரியுமா? அவர்தான் "மெல்க்கிசேதேக்கு" ஆவார், எருசலேமுக்கு சாலேம் என்ற மற்றொரு பெயரும் உண்டு, சாலேம் என்றால் சமாதாணம் என்று பொருள், அந்த மெல்கிசேதேக்கின் ஆட்சி மீண்டும் வரப்போகிறது, அவருடைய ஆட்சியில் கீழ் வாழ இன்றே உன்னைத் தகுதிப்படுத்திக் கொள்வாயா?

//////////////////////////////////////////////////////////////////////////////////////////////////////////////////////////////////////////////////////////////////

குட்டிக்கதை:
ஞாயிற்றுக்கிழமை காலை நேரத்தில், பாஸ்டர் ஒருவர் பிரசங்கம் செய்துகொண்டிருந்தார் கூட்டம் மெய்மறந்து கேட்டுக்கொண்டிருந்தது, பிரசங்கத்தின் முடிவில் அடுத்த ஞாயிற்றுக்கிழமை பொய்யைக் குறித்து பிரசங்கம் செய்யப்போகிறேன், அதற்கு முன்பதாக பைபிளில் மாற்கு 17 ஆம் அதிகாரத்தை அடுத்தவாரம் எல்லோரும் படித்து வாருங்கள் என்று அறிவிப்புக் கொடுத்து அனுப்பினார்,

அடுத்தவாரம், யாரெல்லாம் மாற்கு 17ஆம் அதிகாரத்தை படித்து வந்திருக்கிறீர்கள் என்று அந்த பாஸ்டர் கேட்க, ஒருவரை ஒருவர் பார்த்து அங்கே கூடியிருந்தவர்கள் எல்லோரும் கையைத் தூக்கிவிட்டார்கள்.


பொய்யைக் குறித்து பிரசங்கிக்கப்போவதாக நான் சொன்னது நல்லதுதான் மாற்கில் 17 ஆம் அதிகாரமே இல்லை என்று சொல்ல அந்த சபையாரின் முகத்தில் ஈ ஆடவில்லையாம்....

நமது தளத்தின் புதிய பதிவுகளை உடனுக்குடன் உங்கள் மின்னஞ்சலிலேயே படிக்க‌ இங்கே பதிவு செய்யவும்..

2 comments: